Maja Engeli og Selma Karine Høve Ørskog var utsende frå distriktskomiteen i Operasjon Dagsverk, og dei heldt føredrag om kva OD er og kva årets prosjekt handlar om. I år rettar OD søkjelyset mot Nigeria og den massive forureininga frå oljeutvinning i landet. Prosjektet har som mål å opplyse ungdom i Nigeria om rettane deira, utdanne oljevaktarar som kan varsle om utslepp og hindre at forureininga vert spreidd og å skaffe tilgang til fornybar energi og miljøvenlege jobbar. "Vi er alle oljebarn" er tittelen på årets prosjekt, som er eit samarbeid med Naturvernforbundet og Natur og ungdom.